కలసి ఉండాలంటే ..!

కలసి ఎప్పుడూ ఉండాలంటే ,

ఆ ఆశయం మనలో బలంగా ఉండాలి .

జ్ఞానమే అందుకు

తగిన ఆలోచనను మనసులో కల్గించాలి !

పరిచయంలో ,

మనిషికి సాటిమనిషి అనే మమకారం .

తద్వారా అందునెంతో సహకారం !

అదీ లేకుంటే , పుట్టుకకు అర్థమేదీ !

ఒకరినుంచి మరొకరికి ఉపకారమేముంది ?

స్నేహంలో ఒంటరితనం కనుమరుగు .

ఈదురుగాలి వంటి అపోహలు తొలగి ,

నైతికస్థైర్యం చీకట్లోని దీపమగు .

శ్రీకృష్ణుడు కుచేలుడు , శ్రీరాముడు సుగ్రీవుడు

అని అబ్బురపరచే ఆ మాధుర్యం

భవిష్యత్ తరాలకెపుడూ ప్రేరణగు .

ప్రేమ మానవజాతి మనుగడకే ఆధారం ;

నిజంగా మేలు చేసే తనయొక్క స్వభావం ,

ఆనందాన్ని నింపగల మకరందం .

వర్ణిస్తూ ఎన్ని పేజీలు వ్రాసినా తరగనిదే ,

అనుభవించని జన్మ హృదయంలేని

గృహోపకరణం అనిపించే ఓ బండరాయే !