నీతో నేను
నీతో నేను
బాల్యపు బుడిబుడి నడకలు ,
బడిలో దిద్దిన అక్షరాలు .
పుస్తకాలు , వాటితో కుస్తీలు
మనకు భలే జ్ఞాపకాలు .
కళాశాల చదువులు
వలపు పిలుపుల చిగురుటాకులై
మైమరపింపజేస్తుంటే ,
మనల్ని మనం వెతుక్కుంటూ పెరిగాం .
వయసుతో వచ్చిన సొగసు
అనే పరిమళం , ఉద్రేకం
తోడు కావాలంటే తుమ్మెదనై వాలా .
నీ కళ్ళు నాకళ్ళతో మాట్లాడుతుంటే ,
నీలో కలిగిన సిగ్గు , నా ఉత్సాహం
మనల్ని మరింత దగ్గర చేసె .
నీ మోము నన్ను అలరించగా ,
అధరాలు మధురామ్రృతాన్ని ఒలికించె .
నీ కాలి అందెలు నా హృదయవీణను మీటగా ,
మేని వగలు , ముంగురులు
శిల్పమే నా ఎదుట నిలిచెనా అనిపించె .
వివాహ వేడుక అచ్చెరువొందించగా ,
నాటి అపురూప కలయిక నాలో నిను కలిపె .
మన రసమయ జీవితం కలిగించిన ఆనందం
ఎన్నో ఊహలను నిజం చేయగా ,
అనేక జ్ఞాపకాలు నేటికీ మదిలో మనోహరమై మెదిలె .
ఈ దేహాలు ఎప్పటికీ ఇలా ఉంటే ఎంతో హాయి !
ఒక్కసారే విశ్రమిస్తే మరెంతో హాయి !!
*** *** ***