సునామీలా ..!

నేను ఇక్కడున్నా నీ గురించే ధ్యాస .

ఎక్కడున్నా సుఖంగా ఉండాలనేదేగా ఎవరికైనా ఆశ !

సూర్యుని రాకతో మధురంగా పలుకరించేలా

అందంగా విచ్చుకోదా తామర !

చంద్రుని చూపులతో వెన్నెలలో చేతులు చాపి

బుగ్గలు నిమరదా తెల్లని ఆ కలువ !

నాకూ అలాంటి తలపులే అనుక్షణం .

ఎదురుగా నువ్వు ఉన్నావే అనే నా కనుల వీక్షణం .

అలల తాకిడిలా అలా కనిపించి కనుమరుగయ్యే

ఊహాలోక జీవితం ఇంకా ఎన్నాళ్ళో .

దేవుడు కరుణించి మనల్ని ఒకటి చేయాలని

ప్రార్థిస్తున్నా రోజూ పరమభక్తుడనై చూసిన ప్రతిగుళ్ళో .

నేను గుర్తొచ్చి దరిచేరాలనిపిస్తే

సముద్రంలో వచ్చే కెరటంలా ఓ సునామీలా వచ్చేసెయ్ .

నీ ప్రేమలో నను ముంచేసి ఉక్కిరిబిక్కిరి చేసేసెయ్ !!