నీ హృదయంలో ..!
నీ హృదయంలో ..!
ఏమైందో ఈరోజు నీ గురించే తపిస్తోంది నా మనసు !
చేరువకావని నీవు తెలిసిందేమో బహుశ తనకు .
ఒకరిపైఒకరం ఇలా మనం ఆగ్రహిస్తే ఏమైపోతాం ?
కలవనిచో చేరుటకు బహుదూరమే ప్రేమతీరం .
ఎన్నాళ్ళిలా గడపాలో ఏమో , ఎవరిని ప్రార్థించాలో .
చల్లగాలికి తేలికైన మేఘమే ఎక్కడైనా కరుగు .
బంగారమంటి నీవు మెరిసినప్పుడే ఆనందమగు .
అలక తీరుటకు ఏం చేయగలనో ఎరుక పరచు .
నీ నవ్వుకోసం ఎన్ని యుగాలైనా కృషి చేసెదను .
ప్రేమలో ఉంది జన్మజన్మలకు చాలనిపించే మాధుర్యం .
మరలమరల పుట్టాలనే కోరికే ప్రియా నాకనుదినం .
పారిజాత పుష్పాలను తేగలనా దివినుంచి నీకొరకు ?
ఇంద్రుని ఐరావతం వాహనమయ్యే అవకాశమేదిపుడు ?
రోజాపూలను ఇవ్వగలను ప్రేమను తెలిపేందుకు .
తియ్యగా మాట్లాడగలను మది పరవసించేందుకు .
సంపన్నుడనూ కాగలను విమానంలో తిరిగేందుకు .
చదువుల సరస్వతే మా ఇలవేల్పైనపుడు
సంభవమే కదా ఏం తలచినా ఈ భువియందు !
కరుణించి కురిపించవా ప్రేమవర్షం నాకోసం ?
చల్లని చూపులతో నన్నాకర్షించవా మనదే ఇక ఈలోకం !
ఎదురుచూడవా మరుజన్మకైనా అమితంగా ప్రేమించి .
నీ హృదయంలో నా ప్రతిమను ఉంచి !!
*** # *** # ***