నీ కౌగిలిలో ..!

కొమ్మమీది పువ్వుల్లో నీవు ,

గోడమీది బొమ్మల్లో నీవు .

కలల్లో నీవు , తలపుల అలల్లో నీవు .

ఎన్నాళ్ళో ఈ విరహం .

రోజురోజుకు నాలో

పెరుగుతూ తీరని వలపుదాహం .

నీ గుండెలో సందడి చేస్తూ నేను ,

మండే సూర్యుడిలో నేను .

నీ మనసును దోచిన చంద్రుడిలా నేను ,

నీదైన లోకానికి ఇంద్రుడిలా నేను .

ఎండల్లో వేడిమినై

కావలసిన శక్తిని ఇచ్చేలా నీ కౌగిలిలో నేను .

ఆ వేళ నిను చేరే

చల్లని నీరును నేనై నీ దగ్గరగా నేను .

వానల్లో జలధారనై

నిను తడిపే ప్రతి బిందువులో నేను .

గలగలా ప్రవహిస్తూ

నీ అందెల రవళికి శ్రోతగా నేను .

చలికాలం హిమపాతాన్నై

చేతుల్లో జారుతూ అల్లరి చేయిస్తూ నేను .

నీ తెల్లని నవ్వులను

చూసి ఆనందిస్తూ మౌనప్రేక్షకుడిగా నేను .