ఓ పాట పాడనా !
ఓ పాట పాడనా !
నీకోసం ఓ తియ్యనిపాట పాడనా !
మన ప్రేమకు భాష్యం అందులో తెలుపనా !
పురివిప్పే నెమలిలా ఆడనా !
ఒకరికి ఒకరైతే ముద్దని అందంగా చూపనా !
నీకోసం ఓ తియ్యనిపాటే పాడనా !
మనప్రేమకు భాష్యం అందులో తెలుపనా !
పురివిప్పే నెమలిలా ఆడనా !
ఒకరికి ఒకరైతే ముద్దని అందంగా చూపనా !
పువ్వంటే నవ్వని , నువ్వంటే ప్రేమని
నీతోనే నేనని , లేకుంటే అది నటన అని
తెలిసింది ఒకనాడు .
ఆ సంగతే సత్యమై నిలిచింది ఈనాడు .
వెలుగే చైతన్యమని , చీకటిలో నాకు నేనే తెలియనని
నీదే స్నేహమని , నీతోనే జీవితమని
గుర్తించాను ఆనాడు .
ఆనందం నిత్యమైంది అందుకే మరునాడు .
నీకోసం ఓ తియ్యనిపాట పాడనా !
మనప్రేమకు భాష్యం అందులో తెలుపనా !
పురివిప్పే నెమలిలా ఆడనా !
ఒకరికి ఒకరైతే ముద్దని అందంగా చూపనా !
నీ ప్రతిమాటా జ్ఞాపకము .
నడిచిన అడుగడుగు పెంచెను నాలో నమ్మకము .
అలలే కాదా సంద్రము .
గుండెసవ్వడి నీవయ్యాకే నాకు భాగ్యము .
నాలో ఉండిపోవా ఎప్పటికీ !
నా ప్రేమను ఇస్తా బహుమతిగా కలలో కోరినప్పటికీ !
ఓ ప్రేమా ! నా ప్రాణమా ! హృదయంలో స్థానమా !
నీకోసం ఒక మధురమైన పాటను పాడనా !
పురివిప్పే మయూరమై నాట్యం చేయనా !
నీవే నేనని , నేనే నీవనీ సరిగమలతో తెలుపనా !
మనప్రేమకు సాక్ష్యం పాటలో ఉందని ,
మనసే మమకారంతో వెలువరించిందనీ చెప్పనా !
ఓ నేస్తమా ! వినవా ! నీ ప్రేమను నాపై కురిపించవా !