ఒక కల

మాట్లాడే గండభేరుండాలు

కురిసే నవరత్నాలు

విరివిగా మంత్రదండాలు

పూయని చెట్లు

వాడని తిట్లు

తెల్లటి ఆకాశం

నల్లటి గోడలు

ఎర్రటి చినుకులు

వినలేని పలుకులు

చదువుకు విలువ పోయింది

విలువల అర్థమే మారింది

సంస్కారం దాక్కుంది

అహంకారం అల్లుకుంది

చీకట్లు పులుముకునే వేళ

కొత్త జీవితాల ఆరంభాలు

తెలవారే వేళ

వెలకట్టే నిశాచరులు 

కల అని తెలిసేసరికి

అతడు పలవరించాడు

అతని పలకరింపు మార్చుకున్నాడు

జగత్తు మిథ్య అని ఒప్పుకున్నాడు