గోదా కళ్యాణం
గోదా కళ్యాణం
అచ్చెరువొందిరట ప్రజలు
హర్షించిరట ఆకసమున దేవతలు
గోదా కళ్యాణ కథ విని
పులకించెను నా మనసు
తులసీ వనమున వసుధయే బాలికగా విరిసినదట
విష్ణు చిత్తుని భక్తిని పుణికి పుచ్చుకున్నదట
ధనుర్మాసమున వ్రతమును చేసి
పాశురములు పాడినదట
కృష్ణుడు తనవాడిగా
తానున్నది రేపల్లెగా
తన ప్రేమే భక్తిగా
భక్తే ప్రేమగా
ముడిచిన కురులను ముకుందునికి వదిలి
తానే కృష్ణుడుగా కృష్ణుడే తానుగా
పూమాలలు తాను ధరించి
పిదప శ్రీ రంగనాథునిచే ధరింపజేసి
భగవంతుని భక్తితో కొంగుకు ముడివేసుకుని
శ్రీరంగనాథుని పెండ్లాడి
స్వామిలో ఐక్యమైనదట
గోదా దేవి( ఆండాళ్)
భక్తులు భగవంతుని చేరు మార్గము చూపెనట
కమనీయం రమణీయం
ఆ గోదా కళ్యాణ కథ విని
నా మనసు పులకించెను