సమయం మించిపోయింది !

ఆమె మనం రోజూ చూసే ఓ తెల్లగులాబీ .

మనసు విప్పి మాట్లాడిందంటే ,

స్నేహహస్తం అందివ్వబోయిందంటే

అటువంటి వర్ణనకు తగినదనే !

నాలో ఏమి నచ్చిందో , నన్నే మెచ్చింది .

మనుషుల అభిరుచులు రకరకాలు కదా !

అవకాశాన్ని అందిపుచ్చుకోవడానికి

సిద్ధంగా ఉండేవాడే ఎప్పుడైనా విజేత .

ఇష్టపడి స్పందించుటలోనూ ఉంది ఘనత !

ఆ స్నేహమే జీవితమైతే మరోలా ఉండేది .<

Advertisement

/strong>

కనులముందు కదలిన తాను

నేడు కలలో కనిపించి ఊరించినా

ప్రయోజనం ఏముంది ?

సమయం ఆనాడే మించిపోయింది !

ఆ అదృష్టం వేరెవరి గుండెతలుపో తట్టింది .

మరలమరల ఆ తలపు నన్ను

ఇప్పటికీ ఎంతగానో బాధిస్తోంది ,

ఓ ఎర్రగులాబీ ఆ స్థానంలో మైమరిపిస్తోంది .

ప్రయత్నిస్తున్నా !

కోరుకున్నది చేజారకూడదంటున్నా !!