సాధారణ జీవనం

జలుబొస్తే సెలవులు

దగ్గితే దూరాలు

మాస్కుకే కబుర్లు

మరచిపోని పల్స్ ఆక్సీమీటర్ రీడింగులు

వ్యాక్సిన్ గురించిన సందేహాలు

ఆసుపత్రుల బయట జన సందోహాలు

కరోనా నిర్ధారణ పరీక్షల ఉద్వేగాలు

క్వారంటైన్ లాక్ డౌన్ సందేహాలు

ఆన్లైన్ లో చదువులు

ఆగిన నిర్మాణాలు

మూసిన హోటళ్ళు, థియేటర్లు

భారంగా నడుపుతున్న ఆఫీసులు

సంపాదన కోల్పోయిన కూలీలు

విపరీతమైన నిరుద్యోగం

విలయ తాండవంలా వ్యాధుల దుమారం

చావుకు దగ్గరైన వారు

చివరి చూపులు వద్దనుకున్న వారు

ఇంత ఘోర విపత్తులో

మానవత్వం ఉనికిని నిలబెట్టిన

డాక్టర్లు,పారిశుధ్య కార్మికులు, రక్షక సిబ్బంది

ఎందరో సాయం చేస్తూ

మరెందరో సాయాన్ని కోరుకుంటూ

అస్తవ్యస్తమైన జీవనాన్ని

అతి సాధారణమని నమ్ముతూ

అడుగు గడప దాటనీయకుండా..