పంచ రంగుల కళ్యాణి

పంచ రంగుల కళ్యాణి లాంటి అందమే నీది

మనసు పంచుకోమని అడిగే కోరికే నాది

నిన్ను నే గెలుచుకున్నా

నీ తలపుల్ని నా శ్వాసలో కలుపుకున్నా

ఇంకా ఎందుకో ఇంత అనుమానం

ఈ సారైనా దాటవా దూర తీరం

చేసేయి ప్రేమ సాయం

మరచిపో మొదటిసారి మన మధ్య జరిగిన చర్చలు

గడచిన బాధాకర రోజుల గుర్తులు

కలిసి సాగుదాం మరికాసేపు

అప్పటికైనా నీకు అనిపిస్తుందేమో

నాతో ఉండాలని ఇంకొంచెం సేపు

తీరం కనిపిస్తున్నా నావ ఆనందపడనట్లు

నిన్ను దగ్గరగా పెట్టుకుని కూడా నేను సతమతమవుతున్నాను

ఆ తాళిబొట్టు కట్టే సమయం కోసం ఎదురు చూస్తున్నాను