మార్మిక నది

మార్మిక నది

జీవిత తత్వం తెలియనప్పుడు

కవిత్వం తో పని ఏముంది ?

ఆశల నౌకలు కల్లోల కడలి లో

కొట్టుకు పోయేటప్పుడు

చింతా లేక చింతనా

ఏది కావాలి ?

కాన రాని లోకాలు

చీకటి కానల లోకి

తరుముతుంటే

పెంజీకటి అవ్వల

వెలిగే ఆకృతికి వెదికే

మనిషి ఒంటరి సైనికుడా ?

సత్యమో ,సౌందర్యమో

అన్వేషణ మొదలు కాక

ముందే

దేహం రాలి పోతే

మోహపు జీవితానికి

అర్ధమేముంది ?

ఇప్పుడు జీవితం నా

గది లో

ప్రవహించే

మార్మిక నది !