మళ్ళీ మా ఊరు

మా ఉరి 'గంగ' 

చెరువు లో మునిగి 

రెండు కలువల్ని తీసుకుని  

గట్టుకు వస్తే 

ఆత్మ శుద్ధమైంది !

మా ఊరి 

బడి ప్రాంతం లో సంచరిస్తుంటే 

పలకల జ్ఞాపకాలు  

​​మనోఫలకం 

లో చెల రేగి పోయాయి !

ఆ ఎద్దుల బండి ని 

తడిమితే  

తన కడుపు లో 

దాచుకున్న  

నిండు గర్భిణీ  

స్రావమైన

జీవపు&n

Advertisement

bsp;మరక 

గరుకు గా తగులుతోంది ! 

అప్పడు నవ్వుల తో 

చరించిన 

పెంకుటిల్లు 

ఇప్పుడు నాగ జెముడు తో 

నవ్వింది !

బంధాల తో పరిమళించిన 

ఇల్లు 

పుట్టలు పోసి 

పాముల కు నెలవయ్యింది !

సాయంత్రం ఎర్ర బస్సు 

సంజ ధూళి రేపుతూ 

వస్తుంది !

దృశ్యం దూరమవుతుంటే 

జ్ఞాపకం చిక్కనవుతోంది !

- వీరేశ్వర రావు మూల