ప్రబోధాత్మక కవితా గీతం
ప్రబోధాత్మక కవితా గీతం
పల్లవి : వద్దురా చిన్నీ – శిథిలమై పోవద్దురా కన్నా
తంబాకు ను నమలద్దు , గుట్కా తినొద్దు – ఊయోద్దు రా !
వితం కావోద్దే అంధకార బంధురం , నోట్లో పుండ్లను పెంచొద్దురా
// వద్దురా చిన్నీ //
చరణం 1 : ధూమపానం తో నీకే కాక – ఇతరుల ఆరోగ్యం క్షీణించేనురా !
మాదక ద్రవ్యాల తో శరీరాన్ని – తూట్లు పోడుచుకొంటూ శిథిల మౌతావేరా?
నీకంటూ లేవా ఆశలూ-ఆశయాలూ – జీవన ధేయం కనరాదా ?
మీరు బాధ పడి – మీవాళ్ళను బాధపెట్టి – ఏమి సాధిస్తారు? ఏమి సాధించేరు ?
// వద్దురా చిన్నీ //
చరణం 2 : ఊపిరి తిత్తుల కేన్సర్ వచ్చేను – ధూమ పానం వల్ల
హుక్కా ఒక గుక్కా నీకు మజానంటా , నడిపేవారు నిన్ను దోచుకుంటారంటా
మీ ఉసురు తీస్తుంది – శ్వాస నిలువదురా మీకు – దీనితో తంటాఅంటా
పెద్దల మాటలు చద్దుల మూటలు రా – ఇవి అన్నీ మీ మంచికే నంటా రా
// వద్దురా చిన్నీ //
చరణం 3 : కడుపులో మంట , గొంతులో తంటా , నీ మెదడు నీ సోయి లో లేదంటా
మద్యపానం చేయడం నీకు సరదా నంటా , ఎదుటివారి జీవి హరీ అంటా
రక్తం కలుషితమంటా , నీ శరీరం నీకే తెలియక దొ(డో)ల్లునంటా
వాహనములను అట్లనే నడుపుతావంటా , నీ తల్లి దండ్రులకు జైలంటా
/ / వద్దురా చిన్నీ //
చరణం 4 : ఎందుకో మనసు లాగుతుందంటావు , పెద్దలను కష్ట పెడుతుంటావు
వద్దంటే విననంటావు , ఏవో నేరాలు చేస్తానంటావు
మాను మంటే మాననంటావు, అదే కదా ణా సరదా అంటావు
మంచిగా ఉండమంటే , ప్రాణాల మీదకు తెచ్చుకుంటావు
//వద్దు రా చిన్నీ //
చరణం 5 : ధనాన్ని ,సమయాన్ని , అభివృద్ధిని పణంగా పెట్టొద్దు బాబూ
మంచి చెప్పే మిత్రులను , పెద్దలను దూరం పెట్టొద్దు రా కన్నా !
దురాలోచనలతో మంచి పనులకు విఘాతం కలిగించొద్దురా చిన్నా !
గాంధీ జీ – మూడు సూత్రాలతో పాటు నాల్గవ సూత్రాన్ని విడువద్దురా బాబూ !
//వద్దురా చిన్నీ //
ముగింపు : “ చెడు కనవద్దు , చెడు అనవద్దు , చెడు వినవద్దు మరియు చెడు
చేయవద్దు ఇది బాపూజీ పిలుపు , అదే మేలుకొలుపు”
వ్యసనాల బారిన పడే , పడిన , పడబోతున్న యువతకు , పెడత్రోవన
ఎగదోసే దుర్మార్గుల నుండి ఆమడ దూరం గా ఉండండి , తస్మాత్ జాగ్రత్త !
ఈ ప్రబోధాత్మక వచన గీతాన్ని చదివి , పాడి , ఆచరించి , సన్మార్గంలో
పయనించి యువతరానికి మార్గ దర్శకులు గా మారండి . మొన్నటి తరం, నిన్నటి
తరం, నేటి తరం , రేపటి తరం తర తరాల కు సరిపడా మొదటి అడుగు వేసి , మార్గ
దర్శకులు గా మారండి . అదృష్ట వంతులు, ఆదర్శ వంతులు , ఆరోగ్య వంతులు గా
మారే యువతకు ఆశీస్సులు , అభివాదములు .