బతుకు బుట్ట ( లైఫ్ బాస్కెట్ )

బతుకుబుట్ట

———————

ఈ బుట్ట ఎవరిదో ? తెలీదు

ఎవరు తయారీ యో? తెలీదు

యజమాని ఎవరో ? తెలీదు

అయినా బాగుంది

లోకమ్మొత్తం ఇందులో వుంది 

యుగయుగాలుగ కనబడ్తోంది

ఇది ఈ లోకపు బతుకుబుట్ట

ఇది భూగోళపు మట్టి తుట్టె

గట్టుల్లేని గుట్టుతెలీని పెద్దబుట్ట

కష్టసుఖాల ఘటనల గుట్ట

నవరసాల భావాల చిట్టా

అనుభవ చరితల జ్ఞాపకాలకట్ట

పుట్టగానే

పట్టుకుంటుంది

పొట్టనదాచిపెట్టుకుంటుంది

బాధ్యతగాప్రేమగా 

గట్టిగ పొదివిపట్టుకుంటోంది

పద్ధతిగా శ్రద్ధగా

గాదిరాజు మధుసూదన రాజు