అర్థరాత్రి

ప౹౹

మృగాలూ సంచరించే అడవి ఇది తల్లి

యుగాలూ మారినా ఆరని నెగడు చెల్లి ౹2౹

చ౹౹

అర్ధరాత్రి ఆడది తిరగాలన్నారే పెద్దలు

నేరగాళ్ళు ఏలికలై చెబుతారే సుద్దులు ౹2౹

ఇంగితం లేని క్రూరులే ఈమధాంధులు

సంగతి తెలియని మీరే కొత్త సమిధలు ౹ప౹

చ౹౹

కనిపెంచిన వారికి కనిపించక పోయినా

వినిపించే ఆ వాణి వినిపించకపోయినా ౹2౹

తల్లడిల్లరా వాత్సల్యంతో తల్లీతండ్రులు

ఎల్లకాలం కుంగిపోవా వారి నవనాడులు౹ప౹

చ౹

విలువైన జీవితం ఇంతలోనే తెలవారు

కర్కోటకులు నిరూపించగా పలుమారు ౹2౹

మొద్దు నిద్ర మానదే మన యంత్రాంగం

సద్దులేక చూపు విరుగుడు మంత్రాంగం౹ప౹

చ౹౹

అర్థరాత్రి సంచారం అసలే మరచిపో తల్లి

అర్థచీకటి పడకమునుపే ఇల్లేచేరుకో చెల్లి౹2౹

అవసరమైన ఆయుధాలే దగ్గరే ఉంచుకో

ఆపదలో వెంటనే సమాచారమే పంచుకో ౹ప౹

చ౹౹

అడవి మృగాలను అదనులోనే గుర్తించు

నిడిఎక్కువైనా రాదారిలో నడక సాగించు ౹2౹

ఆ భయంతో ఎలా బ్రతకాలని నా భయం

నయంతో చట్టాలు స్త్రీ కిచ్చునా అభయం ౹ప౹