ఓ నా ప్రియ విద్యార్థీ- కవితా

జన్మించిన తర్వాత మాతా పితరులు గురువులుగా ;

తదుపరి పాఠ శాలలో ఉపాధ్యాయులే ఒజ్జలుగా ;

నీవే నిపుణత కల్గిన భావి భారత పౌరునిగా ,

మార్గ దర్శిగా మారే ఓ ప్రియా విద్యార్థీ ......

పెద్దలు నుడివిన మాటలే మీకు సూచనలుగా ;

వాటిని అనుసరించీ , అనుకరించే బాలలుగా ;

సహజ నైపుణ్యమును ప్రదర్శించే పిడుగులుగా ;

మీదైనా శైలి లో లక్ష్యాన్ని చేరే ఓ ప్రియా విద్యార్థీ .....

కవనంలో కవులుగా, రణరంగములో ధీరో దాత్తులుగా ;

కార్య సాధనం లో కార్యదర్శులుగా , నాట్యంలో నాట్య మయూరులుగా ;

గానం లో గాన కోకిలలుగా , వృత్తి ప్రవృత్తులలో నిష్ణాతులుగా ;

పేరు ప్రఖ్యాతులను పొందే చిరు దీపికా ఓ ప్రియ విద్యార్థీ ......

చిర కాలం నీ తలంపులలో , తల్లిదండ్రుల పిదప

కలకాలం గురువులే గుర్తుకు వచ్చి ఉభయుల హితం తో ,

కార్య సాధనలో మార్గ దర్శులు గా , నిత్యం మీ వెన్నంటి ప్రోత్సహించే ,

వారిని గుర్తుంచుకో , మార్గదర్శనం లో చిరకీర్తిని నిలుపుకో ,ఓ ప్రియా విద్యార్థీ ......

-- కవీశ్వర్