నవ్వడం మరచిపోయా...

అంత బాధలో కూడా

భాషను మరువలేదు

తెలుగులోనే ఏడ్చా

అదేంటి తెలుగులో ఏడవడం

ఏడుపు ఏ భాషలో అయినా ఒకటే కదా

ఏమో కాదేమో

ప్రతి దానికీ ఆందోళన

ఎవరిని చూసినా భయం

మాట్లాడితే భయమెందుకు

మాట్లాడితే నచ్చే అవకాశం ఉంది

నచ్చితే నమ్మడం అలవాటు అవుతుంది

నమ్మితే మళ్ళీ మోసపోవాలి

నవ్వడం మరచిపోవాలి

ఇంత డ్రామా ఎందుకు

ఈ మనుషుల నుంచి దూరంగా వెళ్లి..

ఎక్కడికి వెళ్తాం

మనుషుల్ని వదిలేసినా ఫోన్ వదలం కదా

ఫోన్లో అందరూ ఉన్నారు

గతాన్ని గుర్తు చేసే వాళ్ళు

భవిష్యత్తును భయపెట్టే వాళ్ళు

వర్తమానాన్ని తినేసే వాళ్ళు

మరెలా..