నిరీక్షణ

నీలి కన్నుల వలె మెరిసిపోతావేమో

అనేలోపె తోకచుక్కనై జాడలేకున్న

ఆకాశమైన ఎగరగలవేమో

అనేలోపె నింగిలోని తారగా ఎదురుచూస్తున్న

పరిహసాలు ఆడుతావేమో

అనేలోపె హృదయంలో మౌనం వహిస్తున్న

కొంటేకొరికలు అడుగుతావేమో

అనేలోపె అదృశ్యమై ఉంటున్న

నిర్మలమైన మనస్సుతో ప్రేమిస్తావేమో

అనేలోపె కనుమరుగై నిలుస్తున్న

జ్ఞాపకాలు మిగులుస్తావేమో

అనేలోపె ఒంటరినై ఉండిపోతున్న

స్వచ్ఛమైన అమృతమిస్తావేమో

అనేలోపె కడగంటి పోతున్న

స్ఫూర్తిని ఒసగుతావేమో

అనేలోపె కోపాన్ని చూపలేకున్న

జీవితంలో కడవరకు ఉంటావేమో

అనేలోపె పరిణయం ఆడలేకున్న

భాగస్వామిగా తోడువుంటావేమో

అనేలోపె బాధ్యతలు నేర్చుకుంటున్న

కరుణ గల మదిలోకి వేంచేస్తావేమో

అనేలోపె కలలుగా మిగిలిపోతున్న

భార్యగా ఒక చోటిస్తావేమో

అనేలోపె భర్తగా వేచిచూస్తున్న

చూసే కన్నులు కాయలు కడుతాయేమో

అనేలోపె చూడలేకుంటున్న

భావాలు బారమై పోయ్యాయేమో

అనేలోపె నిరీక్షణగా నిలిచిపోతున్న