నిజం

నీకు నీవు తిరగులేని గురువన్నది.. పచ్చి నిజం..!!

నీ మనసే అసలు కల్పతరువన్నది.. పచ్చి నిజం..!!

ఆశ వలన అలసటలే మిగులు చూడు ఎపుడైనా..!!

వెర్రి మొర్రి కోరికలే బరువన్నది.. పచ్చి నిజం..!!

కొండ దూకు సెలయేరుకు ఏ లక్ష్యం కలదోయీ..!?

సహజముగా బ్రతుకుటయే తెరువన్నది.. పచ్చి నిజం..!!

కలలు కంటు కూర్చుంటే పెరుగు కదా బద్ధకమే..!!

పని చేసే తత్వమదే మెరుగన్నది.. పచ్చి నిజం..!!

మాటలతో యుద్ధాలను సృష్టించడమెందుకోయి..?!

మౌనం తో స్నేహమదే తగునన్నది.. పచ్చి నిజం..!!