కధలోని జాబిలికి

కథలోని జాబిలికి..అలుకేల వచ్చెనో..!? 
విరహమది బహుమతిడ..మనసేల ఒప్పెనో..!? 

నిదురయే రాకున్న..కలలేల కనగలను.. 
ఈ అగ్గి వానలో..నన్నేల నిలిపెనో..!? 

ఏమేమొ తనతోటి..పంచుకో దలచితే.. 
దయతోడ ఈ తీపి..చితినేల పేర్చెనో..!? 

నరనరములో మ్రోగు..నాదమే నారాణి.. 
మౌననది పాటగా..అసలేల మారెనో..!? 

నిజవింత యాతనల..నా శ్వాస సాక్షియే.. 
నా కంటి ఊటలో..తడినేల దోచెనో..!? 

ఒకలేఖ వ్రాయగా..కదలదే తలపింత.. 
మాటలే కరువైన..చోటేల చేర్చెనో..!?