నైసర్గిక నైకట్యం

మనోహరి ప్రకృతి సామీప్యాన్నిప్రేక్షించండి,

లేత లలిత హరిత తరులతలని వీక్షించండి,

విహంగముల కాకలి కలరవాన్ని ఆలకించండి,

ఓ అవర్ణనీయ అభినవ అనుభవాన్ని పొందండి |౧|

జలదరించే ఘనాఘన ధారాపాతం ధ్వనిని శ్రవించండి,

ఝరఝరంగా మ్రోగించే నిర్ఝర నినాదాన్ని ఆలకించండి,

కృష్ణమ్మ గోదావారి మహానదుల కళకళ నాదాన్ని వినండి,

లోతైన సాగర లహరుల కలకల కోలాహలాన్ని శ్రవించండి |౨|

అపారమైన నీలంనభ సీమ తిలకించండి,

సూర్యోదయం సువర్ణ ప్రభని తిలకించండి,

పూర్ణచంద్రుని శీతల ఆభని తిలకించండి,

అగణిత తారక నక్షత్రరాసులును చూడండి |3|

ప్రఫుల్లిత రంగురంగుల కుసుమాలను వీక్షించండి,

ముకుళిత సుమముల సుగంధాన్ని ఆనందించండి,

పువ్వుల మీద పరిభ్రమించే భ్రమరాల్ని వీక్షించండి,

ఉద్యానంలో విహరించే ఆకుచిలుకలని వీక్షించండి |౪|

కోయిల కుహూ కుహూ గానాన్ని ఆలకించండి,

మైనా రామచిలుకల అనునాదాన్నిశ్రవించండి,

మనోజ్ఞ మయూరి లలిత లాస్యాన్నివీక్షించండి,

మానసరోవరంలో హంసల సంతరణం చూడండి |౫|

గగనంలో గోధూళివేళ నిష్ప్రభ వెలుగుని కళ్లారా వీక్షించండి,

వృష్టిపాతనంతరం సప్తవర్ణాల ఇంద్రధనుస్సుని వీక్షించండి,

శైల శిఖరం పైన ప్రతిధ్వనిత లయం గుంజనాన్నిశ్రవించండి,

నైసర్గిక నైకట్యంలో అభిజ్ఞత అభినవ అనుభూతిని పొందండి |౬|