మువ్వల మురళి

ముద్దు ముద్దుల మువ్వల మురళి !

ముద్దే ముద్దని ఓ పెదాన్ని తాకింది మురళి !

ముద్దు మీద ముద్దుకు ఉక్కిరి బిక్కిరి అయింది మురళి !

వీడని శ్వాసతో సయ్యాట లాడింది మురళి !

రాజీ పడిన రంగుల మురళి !

రాగం మార్చిన ముద్దుల మురళి !

గానమై గాలిలో లీనమై రక్తి స్వరమైన రవళి !

నాధమై వేణు నాధమై 

వినోదమైంది మైమరచిన మురళి !

బాణమై మన్మధ బాణమై గుచ్చింది ఒక హృదయాన్ని మురళి !

రాధా శ్యాములకు రాయభారం అయింది మురళి !

తాకిన పెదం గోపాలకృష్ణుడదని , 

గోవర్ధనుడదని ,

మురిసి మురిసి పోయింది మురళి !

ముద్దులన్నీ మువ్వల గోపాలుడవని , నంద గోపాలుడవని పరవశించి పోయింది మురళి !

ఆట సయ్యాట నాతోనా అని ! కృష్ణ పరమాత్ముడితోనా అని ! ఉరకలేసి ఊగులాడింది మురళి !

గానమై నాధమై తాకింది పవిత్రమైన రాధా హృదయానాన్న ఆ రవళి అని ఊరంతా గొప్పలు చెప్పుకుంది మురళి !