మరణమా..

నిరుపమానమైన నిన్ను

గుర్తు చేస్తోందా

మృతకణాలు రాలి

కొత్త చర్మం రావాలనా

ఈ క్రీములు

క్రిముల కోసమా

లేక నీ కోసమా

కళ్ళల్లో ఇంకా బాధ

లేత వలపు స్మృతులా

కోల్పోతున్న జ్ఞాపకశక్తి

ఇంకా తనని మర్చిపోలేదనా

చేతి కర్ర పట్టకూడదనా

కళ్ళ జోడులోంచి చూడకూడదనా

మందులు గుర్తు పెట్టుకుని

ఆ వాసన పీల్చకూడదనా

ఎందుకు ఆహ్వానిస్తున్నావ్

నన్ను

ఇప్పుడు నిన్ను ఒడిలోకి తీసుకుని

ఓదార్చాలనా

నీ వాళ్ళతో

తిట్లు తినాలనా

మరణమా అని

అంత ప్రేమగా పిలుస్తున్నావ్

నా రాకను వేడుకుంటున్నావ్..