మనసుకు మాంగల్యం

పచ్చని పందిళ్ళు

పసుపు దంచుతున్న రోళ్ళు

బంధువుల సందళ్లు

భోజనాలు ఘుమఘుమలు

గోరింటాకు పెట్టుకున్న చేతులు

పాలకొమ్మలు పసుపు ముద్దలు

పూలజడ పారాణి

బాసికాలు భజంత్రీలు

జీలకర్ర బెల్లం

మూడు ముళ్లు ఏడడుగులు

అగ్ని సాక్షిగా ఒక్కటైన అమ్మాయి అబ్బాయి

ఆలుమగలుగా అడుగులు ముందుకు వేస్తుంటే

అమ్మాయి మెడలోని మాగల్యం

అబ్బాయి మనసును ముహూర్తబలంతో కట్టుకుంటోంది

ఒకరినొకరు అర్థం చేసుకొని జీవించమని ఆకట్టుకొమ్మంటోంది.