కల(ళ)ల ప్రపంచం

శుద్ధమిశ్రణము నేటి బడి

ఎక్కిస్తుందా నీ బుర్ర వేడి

సరస్వతీ అమ్మగారి ఒడి

పీల్చేస్తుందా నీ కళల తడి

నాన్నగారి కలల అంచుగడి

మార్చునా నీ స్వప్న మొక్కుబడి

ఏంది ఈ చుట్టాల హడావుడి

నీ వాంఛల్నరికి వారి అంగడి

అటులనెందరో వచ్చు పనిపడి

నీ ప్రతిభకు అడ్డుపడి

ఐనా కళను చంపకు భయపడి

ఆకలికి దాసోహపడి

తడబడినా పొరబడి

ప్రయత్నించు ఎగసిపడి

అల్పమైనా చేరనీకు అగబడి

పోరాడు చేరువరకు గెలుపు గడి