కాలం విలువ
కాలం విలువ
అబ్బ కాలానికెందుకో అంత తొందర
ఇట్టే తరిగి కరిగిపోతుంది
క్షణం కూడా ఆగక
సెకను కూడా నిలవక
నిమిషం కూడా నిలకడ లేక
పరుగులు పెడుతూనే వుంది
ఎప్పటికప్పుడు విలువను చాటుతూ
గడిచిపోతే తిరిగి రానని
చెప్పకనే చెబుతోంది
చెంతనుండగానే సద్వినియోగం చేయమని
చేజారిపోతే తనది కాదు బాధ్యతని
నిర్లక్ష్యము తగదని హితబోధ చేస్తుంది
అరచేతిని అడ్డు పెట్టి సూర్యోదయాన్ని ఆపడం ఎంత మూర్ఖత్వమో
ఎగసే కెరటాన్ని నిలపడం ఎంత అసాధ్యమో
కాలాన్ని ఆపగలగడం కూడా అంతే మరి
వున్న క్షణమే నీది, ఆస్వాదించు
మరు క్షణం వుందో లేదో
సమయాన్ని ఒడిసి పట్టు
అనుకున్నది ఇప్పుడే సాధించు
నీ కలలను సాకారం గావించు