కాల చక్రం -: సమయం : వచనకవితా సౌరభం

కాలచక్రం : సమయం - వచన కవిత ( prompt - 4 )

కాల చక్రమునకు ఇనుండు ఆది దేవుండు 

బ్రహ్మవిష్ణుమహేశ్వరుల సంయోగ రూపంబు 

సమస్త ఘటనా - సంఘటనా ప్రత్యక్ష సాక్ష్యంబు 

ఏసమయానికి ఏమి జరగాలో -జరిపించే దినకరుండు.

సకల జీవులు చేయు కర్మలకు సాక్షిభూతుఁడు

ఎవరు మంచిచేసినా - చెడుచేసినా -

అందరికీ మేలే చేసే ఘనుఁడే 

ఏజీవి అయినా వాటి ఆయుప్రమాణముననుసరించి 

తనదైన ముద్రను వేసేవాడు .

సమయాన్ని అంచనా వేయడంలో ఘనాపాటీలం కాదు మనం 

భూత ,భవిష్యత్ - వర్తమానాలు కాలానుగుణంగా తెలిపేదే సమయం 

వర్తమాన కాలాన్నే ప్రామాణికంగా తీసుకుని మన మంచి క్రియలను జరుపుతాం 

గడిచిన కాలాన్ని-జరిగిపోయిన పనుల్నివెనక్కి తీసుకరాలేంమరలా ఉపయోగించలేం 

బ్రాహ్మీ ముహూర్తాన నిదుర లేస్తే మన జ్ఞాపకశక్తి , ధారణ శక్తి అధికమౌతాయి 

మనం చేయవలిసిన సుకర్మలను ప్రణాళికాబద్ధంగా జరుపుకోగలం 

ఫలితాలు సహేతుకంగా లభించినప్పుడు అదృష్ఠముగా భావించేవారు 

అలా జరగకపోతే దురదృష్టం గా కూడా భావిస్తారు కొందరు. 

వ్యాఖ్య : "సమయాన్ని కాలానుగుణం గా సుకర్మలకు సద్వినియోగమైతే - అదిఅందరి ప్రగతికి శుభసూచకం"

    #### కవీశ్వర్ జయంత్ కుమార్