జోలాలి

ఏ లాలి రాగాన్ని నే పాడను కన్నా

యదునందనుని లీలలను పాడనా

యుద్ధభూమిన వివరించిన గీతను పాడనా

ఏ లాలి రాగాన్ని నే పాడను కన్నా

         " ఏ లాలి "

జోలాలి అంటూ నే జోల పాడనా

జీవిత సత్యాలన్నీ జతులుగా స్వరపరచనా

జగతిన దాగిన అందాలన్నీ వివరించనా

జన్మకు అర్థం తెలుసుకోమని చెప్పనా

        "ఏ లాలి "

జాజులను నిదురాలేపగ నవ్విన జాబిలి అందాన్ని ఆలపించిన

జగతి జాగృతికి శ్రీకారం పలికే ప్రభాకరుని ప్రభకు పరవశించమననా

జగన్నాటకానికి సూర్య చంద్రోదయాలు రెండు పాదాలని చెప్పనా

జీవిత నాటకానికి జన్మ మృత్యువులు రెండు తీరాలని చెప్పనా

          "ఏ లాలి "