అమ్మతత్వం

నిన్ను నీవు ఎరుగకనే నీకై ఆరాటపడే హృదయం

నీరూపం లోకం ఎరుగకనే నిను ప్రేమించి మురిసే మురిపం

నీ తొలి రోదనం విన్నవెంటనే అక్కున చేర్చుకొని ఏబాధ నీ దరి చేరనీయని వైనం

వెలకట్టలేని ఋణం తీర్చలేని ప్రేమసాగరం

ప్రతిమనిషి బాధలో మనఃస్ఫూర్తిగా పెదవులు స్మరించే స్వరం

మన అమ్మ తత్వం ---- స్త్రీ జన్మ వరం

ఎక్కడో ఉన్నానంటూ నీ చెంత రాలేనంటూ

నీ సంరక్షణకై భగవంతుడు పంపిన భగవత్స్వరూపం

నీ తొలి అడుగులకు చప్పట్లు కొడుతూ

నీ తప్పటడుగులని తడబడకుండా సరిచేసే గురుతత్వం

నీ ముద్దు మాటలకు మురిసిపోతూ

నీ జీవితపు బాటలను స్ఫూరింపజేసే స్ఫూర్తి మంత్రం

మన అమ్మ తత్వం ----- ప్రత్యక్ష భగవత్స్వరూపం       

నీ ఆశల పొదరిల్లే తన జీవిత ధ్యేయమంటూ

తన ఆశల రెక్కలను నీకు తొడిగి ఎదుగుదలతో ఎగరమనే సహకారం

ఏ చిన్నపాటి దిగులుకైననూ గుబులు ఎందుకంటూ

తన ఒడిలోని ఓదార్పు వెలుగుతో దిగులుకి గుబులు పుట్టించి తరిమికొట్టే తీరం

ఈ జీవితాదారిలో నీ అడుగులకు తన అడుగులు జత చేరుస్తూ

నీ జీవిత గమ్యాన్ని చేరుటకు నీకు చేయుతనిచ్చే నేస్తం

మన అమ్మ తత్వం ----- నీ జీవిత మూల స్థంభం