" బ్రతుకే ఓ పందెం!"

ద్యూతమెరుగని జీవితంలో...

బ్రతుకే ఓ జూద క్రీడగా !

విధి శకునిలా...

కాలాన్నే పాచికలా విసరగా !

పంచిన మంచే వంచనై ముంచేయగా...

కూడుకున్న ప్రతీ జ్ఞానసంపదను

ఓడుతున్న కొద్దీ అజ్ఞానంతో నేనా పందెంలో ఒడ్డగా !

ఒడ్డి ఓడగా పడిన ప్రతీ అడుగూ అజ్ఞాతవాసాన్ని అనుసరించగా !!

ఏ కృష్ణ ధర్మం అడ్డుకోగలదో...

అంతమంటూ లేని ఈ విధి విలాపాన్ని ?

ఏ కర్మ ఫలం ఆపగలదో...

అలుపంటూ రాని నా మనోవేదనపు గమ్యాన్ని ?  

-mr.satya's_writings✍️✍️✍️