*భిన్న కోణాలు*

విషయం తొలుస్తూనే వుంటుంది

వినయానికి తావులేని చోట

విభేదం తప్పనిసరై ఊరియూరి

ఉబికిన వేదనను క్రోధం చేస్తూ

నిలువునా దహించడమే

మాట అగ్గిపూలు చల్లుతున్నపుడు

కాలుతున్న కణికల మధ్య మనసులో

ఒక్కో భావన ఒక్కో వైపుకు ఆక్రమిస్తుంది

పురుగు వేరును తొలుస్తుంటే

బిక్షకు పడి గాపులు పడి తినే క్రిములకు

వేరు విలువ చెప్పినా అర్థమవని స్థితి

కాలం చెప్పే నీతి గొరీపై మొక్క

తలలో పుట్టిన భావాలు తలగడగా పెట్టి

నియంతృత్వ పోకడ నీడ అక్కున చేరితే

ములుగర్ర పెట్టి నెట్టినా కదలని

సమభావ స్ఫూర్తి బూడిదలో పన్నీరే

మారుతున్న పంథా జారుడు బండ లాగై 

దాడి చేసే గతుకుల్లో కాసేపు నిలిచి

తలపోసిన వేళన తాళలేని ఉద్దీపన

మరో మార్పుకు కోణమౌతుంది

ఈ రణగొణ ధ్వనుల మధ్య ఆ

జీవితానికి కొట్టిన గంట చివరి గంటే

   *గుడ్లదొన సాయి చంద్రశేఖర్* 

              *హైదరాబాద్* 

             *9866966001*