ఒంటరి పయనం

మనసు వైపు చూసుకో బంధమా

పెనవేసిన నులితాడు

చివరి పోగుతో వేలాడుతూ

తెగేందుకు చూపుతున్న తహ తహ

అన్నీ తెలుసు 

జీవితం క్షణ భంగురమని బుద్భుద ప్రాయమని

తలకు దట్టించిన నీతి శతకాలకు

నిప్పంటిచుకుంటున్నదెవరో

బుసలు కొట్టే పడగలు

విషపు నీడలే

కంఠాన్ని బిగిస్తున్నా

వాటి జాడనే

ప్రకృతిలో అన్ని కాలాలూ

ఒక మాదిరి ఎలా మరి

సహనం గుండెకు తట్టని

మరుగుజ్జుతనం ఒంటికి పట్టిందే

శతాధిక మార్లు సహాయపడిన నేస్తాన్ని

ఒకటో రెండో మార్లు దొర్లిన తప్పుల

అనేకమార్లు మననం చేసి 

బంధాలను ఖననం చేసేస్తున్నావేం 

పర్యవసానపు జీవన యాత్రన

మిగిలేది నీవొక్కడివే

చివరికి నిను మోసే

ఆ నలుగురూ కరువే

   *గుడ్లదొన సాయి చంద్రశేఖర్*

              *హైదరాబాద్* 

             *9866966001*