త్యాగ ఫలం

చిందిన నెత్తుటి మరకలు కడిగి

స్వతంత్రం ఎర్ర కార్పెట్ పరిచిన క్షణం 

త్యాగాల భుజాలనెక్కి ఎగరేసిన మువ్వన్నెల జండా

ఎర్ర కోటపై రెపరెప లాడిన 

తరుణం

పరుల భోజ్యమైన దేశంలో

మేథస్సున పురివిప్పిన రాజ్యాంగం 

కదం తొక్కిన కలం కురిపించిన

నిబద్దతాక్షర సమాజ దర్పణం

ఈ మట్టి వాసన గట్టిదేనని

విశ్వ వేదిక పై చాటుతున్నది నేటికీ మన యువతరం

తెలియజేస్తుంది ఎంత సులభమో తలెత్తి బ్రతకడం 

నా గాలిని నే శ్వాసిస్తూ

నా ఉనికికి ఊపిరి పోస్తూ 

నన్ను నేనుగా లోకానికి పరిచయం చేస్తున్న 

స్వతంత్ర భారతమా...జై హింద్ 

 గుడ్లదొన సాయి చంద్రశేఖర్

హైదరాబాద్ 

9866966001