ఎద గీత
ఎద గీత
నీపై నడిచే ఊహల సిరా
మనసు నిండి ఊరుతూనే
పాళీ ఖాళీ కాదు
దస్తాలు దస్త్రాలై నిండుతూనే
తూలిన రెప్పలు
ఎద రెక్కలు విప్పారుస్తాయి
నిను జత చేసి
మనో ఆకసాన బడలికలేని వ్యాహ్యళికు నాంది
నేల జాబిలిలా నీవు కురిసే వెన్నెల
మనసుకు స్నానమై మెరుపులీనుతూ
నువు దరిగా కదిలి చల్లిన పరిమళం
మధువు గ్రోలిన మధుపంలా మదిని ఉడికిస్తూ
మూగ భాషకు పదాలు నేర్పిస్తాయి
ముగ్ధ మోహన యవ్వన నీడన
కలాలు కళలద్దితే
తీరికలేని భావ పరంపర
పూల శరాలై గుండెన పందిరేసి
నిను దేవతగా అక్షరాన ప్రతిష్టిస్తాయి
*గుడ్లదొన సాయి చంద్రశేఖర్*
*హైదరాబాద్*
*9866966001*