అతడికి హత్య సహజమే..

అతను మళ్లీ కనిపించాడు

క్లాసులో అల్లరి కుర్రాడు

అమ్మాయిల గుండెల్లో మన్మథుడు

ప్రేమ కబుర్లలో నేర్పరి

ఎవ్వరైనా మెచ్చే తుంటరి

ఒక్కటే చిత్రం

అతడు నిన్నటిని హత్య చేశాడు

అవును

నిన్నటిని

నిన్నటి బాసల చెలిని

ఆ చెలి కంటి కన్నీటిని

ఆ కన్నీరు తడిపిన చెంపను

అన్నిటినీ హత్య చేశాడు

శరీరం మిగిల్చి మాటలతో తూట్లు పొడిచి

ఆమెకు జీవితంపైన విరక్తి కలిగించాడు

అలాంటి ' ఆమె ' లు ఎందరో

అతడికి నిన్న అవసరం లేదు

నిన్నటిి రోజును హత్య చేయగలిగిన అతను

నా పూర్వ విద్యార్థి

ఇప్పుడు గతం తాలూకు జ్ఞాపకాల్ని లిఖిస్తూ

అదే జీవితం అనుకుంటూ బతికేస్తున్నాడు