అంగట్లో బొమ్మ

యవ్వనం నా ఒంటి మీదికి వచ్చిందో లేదో

నా ఆడతనం పూర్తిగా రూపుదిద్దుకుందొ లేదో బజారులోని చిన్నవాళ్ళు పెద్దవాళ్ళు  

పోకిరి కళ్లు కామంతో

నా పరికిణిలోకి తొంగి చూశాయి

నా లేత పరువాలను తడమ సాగాయి

లోకం పద్మవ్యూహం అని తెలియని వయసు ప్రేమించానని నమ్మించాడు 

పెళ్లి చేసుకుంటానని ఒప్పించాడు

మాయ మాటలతో మాయ చేశాడు 

అందరికీ నేనిప్పుడు అంగట్లో సరుకును 

బజారులో కీలుబొమ్మను

నా యవ్వనం మట్టి కొట్టుకు పోయింది 

నా సౌందర్యం శిధిలమై పోయింది 

నామెని తీయదనం లోపించింది

నన్ను బొమ్మను చేసి ఆపై అమ్మను చేసి

వ్యభిచారిని అనే వెక్కిరించే 

వాళ్ళ బిడ్డల బతుకులు 

నాలాగే అవ్వాలని శపిస్తున్న!

ఆడపిల్ల అంగట్లో బొమ్మని,

ఆ బొమ్మను నేను అవుతానని 

మీరు అనుకోలేదు కదా?  

అమ్మా! నాన్న ! నన్ను క్షమించు!

రేపటి ఉదయాన్ని చూడలేక పోతున్న .....