అందులో

వదులుకున్న బంధాల గుర్తులున్నాయి

చెప్పా పెట్టకుండా చాప చుట్టేసిన శ్వాసతో కలసి

కొన్ని ఆశల ప్రతిబింబాలు ఉన్నాయి

నూలుపోగునీ మోయలేనని మొరాయిస్తున్న శిథిల దేహంలో చిక్కి

కొన్ని యుద్దాల గుర్తులు ఉన్నాయి

రాజీనామా తీసుకున్న అవయవాల ఆగిన కదలికల్లో

అదో ఆరడుగుల రాజ్యం...

ఏక ఛత్రాధిపత్యమే అక్కడ...

నువ్వే రాజు... నువ్వే సైన్యం...

ఇంకెందుకు దిగులు...

ఫిదా అయిపో సుఖానికి...

ఎంతైనా చివరి సుఖం .... చివరి సుఖమే........  

సుధామురళి