గ్రంథాలయం
ప్రొఫైల్
నువ్వు వస్తావని
నువ్వు వస్తావని
1 min
363
ఇసుక జారిపోతుంటే
అరచేయి ఎంతలా దుఃఖిస్తుందో తెలియలేదు కానీ
నువ్వు కరిగిపోతుంటే
నవ్వు చీకటౌతోంది
పక్కన్న నువ్వునప్పుడు
ఎలా ప్రవహించానో నదిలా
లేని రెక్కలతో ఎలా విహరించానో విహంగంలా
ఇప్పుడు ఈ దూరపు పువ్వు పూసినప్పుడు
ఇద్దరి మధ్యా
వసంతం కాలిపోయినట్టుంది
కళ్లకు కాటుక ఎక్కువైనట్టు
కలలన్నీ నల్లబడిపోయాయి
దాగుడుమూతలు నిత్యమైనట్టు
ఆశలు కనిపించడం మానుకున్నాయి
సరే వస్తా....
ఇలా ఎన్నిసార్లో
మనమధ్యన దూరం దగ్గరైనా కలుసుకున్నాం కదా
అదే ఆశతో ......
వద్దామనే వుంది
నువ్వూ వస్తావనే వుంది
