அயல் நாட்டுக் காதலனின் காதல் நினைவலைகள்

அயல் நாட்டில் நான் புரியும் வேலையிலே உன்னைப் பற்றி நினைத்துக் கொண்டிருக்கிறேன்!

நான் உன் கரம் கோர்த்து கடற்கரை மணலில் நடந்த நினைவுகளை நினைத்துக் கொண்டிருக்கிறேன்!

இன்பமான காதல் உணர்வுகளால் உன் கால் விரல்கள் கடற்கரை மணலில் கோலமிட்ட தருணங்களை நினைத்துக் கொண்டிருக்கிறேன்!

மான் போன்ற உனது அழகிய கண்களைக் கொண்டு என்னைப் பார்த்த நிகழ்வுகளை நினைத்துக் கொண்டிருக்கிறேன்!

காதல் உணர்வுகளோடு நாம் இன்பமாக உரையாடிய உன்னதமான நாட்களின் நிகழ்வுகளை என் மனக் கண்ணில் ஓடவிட்டு கொண்டு நினைத்துக் கொண்டிருக்கிறேன்!

குறும்புத்தனமாக நாம் போட்ட சிறிய சண்டைகளைப் பற்றித் தொலைப்பேசியில் உன்னுடன் உரையாடி ரசித்து ரசித்து நினைத்துக் கொண்டிருக்கிறேன்!

அயல் நாட்டில் நான் இருந்தாலும் நம் உண்மையான காதல் உணர்வுகளை நினைத்துத் தவித்துக் கொண்டிருக்கிறேன்!