కాళరాత్రి

ఈ నిశీత  నిశ్శబ్దంలో 

కాళరాత్రి వేళలో 

చూసాను గగుర్పొడిచె 

వికృత రూపం //ఈ నిశీత //

ఆర్తనాధాలు, రోదనలు 

భయంకర సన్నివేశాలు 

మనసులు చెదిరి 

బంధములే విడిపోయె //ఈ నిశీత //

హాహాకారాలు 

భయానక కాటి దృశ్యాలు 

కాలుతున్న శవాలు 

శునకముల అరుపులు //ఈ నిశీత //

పిశాచముల ప్రేతాత్మల అలజడి 

గుండెలదిరె ధ్వనులు 

కాటిలోన కాలి బూడిదై 

ఎముకలే మిగిలె చితిలోన //ఈ నిశీత //

కలిసె భస్మంబు గంగ లోన

మిగిలె కడసారి జ్ఞాపక వీడ్కోలు 

మునిగె చివరి తర్పణములీయ 

కాశీ, ప్రయాగ త్రివేణి సంగమంలో //ఈ నిశీత //