Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lalita Mohan Mishra

Fantasy

3  

Lalita Mohan Mishra

Fantasy

ପ୍ରତିଛବି

ପ୍ରତିଛବି

1 min
481



ରାତ୍ରୀ ପାହିଯାଏ

ପୁଣି ସକାଳ ହୁଏ,

ସେହି ପ୍ରତିଚ୍ଛବି ଲୁଚିଯାଏ

ଫୁଲର ମହକ ଭଳି,ଆଉ

ରସିକ ପାଗଳ ଭ୍ରମର ଭ୍ରମରେ 

ଇତସ୍ତତଃ ଘୁରିବୁଲେ ସେହି ପ୍ରତିଚ୍ଛବିର ଅନ୍ୱେଷଣେ।


ମନର ସବୁ ଭାବ

ମହମ ଭଳି ତରଳିଯିବା ପରେ

ପୁନର୍ବାର ନୂତନ ଆଶାର ରାସ୍ତାରେ

ଚାଲୁ ଚାଲୁ ଦେଖା ହୁଏ କଳ୍ପନାରେ ଏକ ଚେହେରା

ରାତ୍ରୀଅଧର ନିଘୋଡ଼ ନିଦରେ।


ସକାଳର ନିଦୁଆ ନିସ୍ତେଜତାକୁ ଦୁରେଇ

ଉଠିପଡ଼ି ଖୋଜିବୁଲେ ସେହି ପ୍ରତିଚ୍ଛବିକୁ

ପାଇବାର ଆଶା ନେଇ।


ଏହା କଣ ତା'ଭ୍ରମ

ଅବା ହୋଇପାରେ ତା'ଅନୁଭବ?

ପୁନଶ୍ଚ ଅପେକ୍ଷା କରେ ରାତ୍ରୀକୁ

ଭେଟିବାକୁ ସେହି ଚେହେରା,

ରାତ୍ରୀର ପ୍ରହର ବଢ଼ିଚାଲେ

ଚାଳରେ ମାଡ଼ିଥିବା କଖାରୁ ଲତା ପରି

ଆଉ ଉତ୍କଣ୍ଠା ସବୁ ବଢିଚାଲେ

ପ୍ରତିଚ୍ଛବି ସହ ପରିଚୟ ହାସଲ କରିବା ଆଶାରେ।


ଏଇ ସମୟ କ'ଣ ପୂରଣ କରିପାରିବ

କଳ୍ପନାକୁ ସତ୍ୟରେ,

ଭାବନାକୁ ବାସ୍ତବତାରେ ?

କେବଳ ଉତ୍ତର ଅପେକ୍ଷାରେ

ସମୟ ଏମିତି ଗାଡିଚାଲୁଥିବ

ରାତ୍ରୀ ପରେ ଦିନ,ଦିନ ପରେ ରାତ୍ରୀ

ସେହି ପ୍ରତିଚ୍ଛବିର ସନ୍ଧାନରେ ! ! ! ! 


          


Rate this content
Log in