ଗଭୀରତା ଚାହେଁନା
ଗଭୀରତା ଚାହେଁନା
ଗଭୀରତା ଚାହେଁନା ମୁଁ ପ୍ରେମରେ
ମନରେ କାହିଁକି
ଛନକା ପଶିଯାଏ
ଏ ଗଭୀରତାକୁ ନେଇ ||
ଯେମିତି ଅସହାୟ
ହୋଇଯାଏ ମଣିଷ
କୂଅଟିଏ ପାଖରେ
ଯେତେବେଳେ କିଏ
ଟାଣିନିଏ ସବୁ ସମ୍ବଳ
ଯାହା ଧରିବାକୁ ଥିଲା
ହାତପାହାନ୍ତାରେ
ଏବେ ବୁଝି ହେଉଛି
ମଣିଷ ବେଶ ଭଲରେ
ଜିଇ ପାରିବ
ପ୍ରେମର ଅଗଭୀର ସମୁଦ୍ରରେ ||
ଯେଉଁଠି ଆଣ୍ଠୁଏ ପାଣିରେ
ଚାଲି ଯାଇ ହେଉଥିବ
ଅନେକ ଭିତରକୁ
କିମ୍ବା ବହି ଯାଉଥିବା ଝରଣା ପରି ପ୍ରେମରେ
ଯେଉଁଠି ଜୀବନର ସଂଗୀତ
ସକାଳ ସଞ୍ଜ ଶୁଭୁଥିବ
ଛଳ ଛଳ ଚୁବୁରୁ ଚୁବୁରୁ ପାଣିରେ ||