Audio

Forum

Read

Contests

Language


Write

Sign in
Wohoo!,
Dear user,
ଇଞିନିୟରିଂ ପଢିବା ଓ ବାବାଜୀ ହେବା
ଇଞିନିୟରିଂ ପଢିବା ଓ ବାବାଜୀ ହେବା
★★★★★

© Dr Kulangar

Drama Fantasy Comedy

1 Minutes   13.5K    7


Content Ranking

ଇଞିନିୟରିଂ କଲେଜ ଗୁଡିକ

ଆଶ୍ରମଠୁ କମ୍ ନୁେହେଁ;

ଯେଉଁଠି ପିଲାର ଭଲ ପାଇଁ ଅବିଭାବକ

                     ମୋଟା ଅଂକର ଦାନ ଦିଏ!

ବହୁ କଲେଜ ମାଲିକମାନେ ବି ଭଣ୍ଡ

ବାବା ମାନଂକଠୁ କମ୍ ନୁହନ୍ତି;

ଚିକ୍କଣିଆ ପ୍ରବଚନ ଦେଇ 

   ଠକି ଚାଲିଲେ ବି ଲୋକେ ଭକତ ହୁଅନ୍ତି!!

 

ଇଞ୍ଜିନିୟରିଂ ପଢିବା ଓ ତପସ୍ୟା କରିବା 

ଭିତରେ ବିଶେଷ ଫରକ ନାଇଁ;

ବହୁ ଶ୍ରମ, ତ୍ୟାଗ, ସମୟ ଓ କଷ୍ଟ 

ସ୍ୱୀକାର କରିବାକୁ ପଡିଥାଏ ଉଭୟ ପାଇଁ !

ତପସ୍ୟାର ଫଳ ହେଲା ସନ୍ୟାସ ଗ୍ରହଣ

କରି ସିଦ୍ଧତ୍ୱ ପ୍ରାପ୍ତି;

ଇଞ୍ଜିନିୟରିଂ ପଢା ସାରି ଅନେକ ବାବାଜୀ 

                ହୁଅନ୍ତି ଯେଣୁ ଚାକିରୀ ନାସ୍ତି!!

 

ଆହା ପୁଅମୋର ସଂସାର ତ୍ୟାଗକଲା

ବୋଲି ସନ୍ନ୍ୟାସୀର ମାଆ କାନ୍ଦେ;

ଆହା କେତେଖର୍ଚ୍ଚ କଲିବୋଲି 

    ଇଞ୍ଜିନିୟରିଂ ପିଲାର ମାଆକୁ ବାଧେ!

ଆଜିକାଲି ବାବାଜୀଂକର ହେଲେ ତ 

ଗଣ୍ଡେ ମାତାଜୀ ଥାଆନ୍ତି;

ଇଞ୍ଜିନିୟରିଂ ପଢିଥିବା ପୁଅ ପାଇଁ କିନ୍ତୁ 

         ଖୋଜିଖୋଜି ବୋହୁ ମିଳୁନାହାନ୍ତି!!

 

ବାବା କହନ୍ତି- ବତ୍ସ, ବିଶ୍ୱାସେ 

ମିଳଇ ହରି ତର୍କେ ବହୁଦୂର;

ମାଲିକେ କହନ୍ତି- ପ୍ଲେସମେଂଟ୍ ଦିନେ

                 ନିଶ୍ଚୟ ମିଳିବ ବିଶ୍ୱାସ କର!

ବାବାମାନେ ଯେ ପର୍ଯ୍ୟନ୍ତ ଧରା ନପଡନ୍ତି

ସିଦ୍ଧ ପୁରୁଷ ବୋଲାନ୍ତି;

ଠକ ପ୍ଲେସମେଂଟ ଜଣା ନ ପଡିବାଯାଏଁ

କଲେଜ ରେପୁଟେସନ ବୋର୍ଡ ଝୁଲାନ୍ତି!!

 

ନିର୍ଦ୍ଦିଷ୍ଟ ପୋଷାକ ପିନ୍ଧି, ନିର୍ଦ୍ଦିଷ୍ଟ ଖାଦ୍ୟ 

ଖାଇବାଟା ଆଶ୍ରମ ଜୀବନ;

ଇଞ୍ଜିନିୟରିଂ କଲେଜର ହଷ୍ଟେଲର

                  ଜୀବନ ବି ଅଟଇ ସମାନ!

ଆଧ୍ୟାତ୍ମିକତାରେ ରାଧାକୃଷ୍ଣ ଅପୂର୍ବ

ମିଳନ ହୁଏ କିନ୍ତୁ ବିବାହ ମନା;

ଇଞ୍ଜିନିୟରିଂ କଲେଜର ଅଧିକାଂଶ

ମିଳନ ଦୂରେଇ ଯାଇଥାଏ ମିଳନ ବିନା!! 

ଇଞ୍ଜିନିୟରିଂ ଛାତ୍ର ନିଯୁକ୍ତି

Rate the content


Originality
Flow
Language
Cover design

Comments

Post


Some text some message..