ଏବେ କିନ୍ତୁ କହିଦେଲି
ଏବେ କିନ୍ତୁ କହିଦେଲି
ମନକଥା ମୋର ଜଣେଇଲା ପରେ
ଧକଧକ ହେଲା ଛାତି ,
କିଏ ଜାଣେ ତୁମେ କିସ ଭାବିଥିବ
ଭାଳି କି ଆସିଲା ତାତି ;
ତୁମ ଭାବନାରେ ମାତି-
ନିଦ ହଜିଗଲା ମୋ ଦୁଇ ଆଖିରୁ
ପାହିଗଲା ପୂରା ରାତି ।
ତୁମ ହସ ମୋତେ ବଶ କରିଦେଲା,
ଆଖି ନେଇଗଲା ଟାଣି,
କେବେ ଦେଇଦେଲି ଏ ମନ ତୁମକୁ
ପାରିଲିନି ଜମା ଜାଣି ;
ତୁମ ସୁମଧୁର ବାଣୀ -
ଦୃଦୟରେ ମୋର ଛାପି ହୋଇଗଲା
ସୁଖଟିକୁ ଦେଲା ଆଣି ।
ଭାରି ଆପଣାର ଲାଗ କିଆଁ ଏତେ
କହିପାରିବିନି ଖୋଲି ,
ଜୀବନ ଧରିଛି ତୁମ ଭାବନାରେ ବୁଡି
ରହିଅଛି ବୋଲି ;
ଏବେ କିନ୍ତୁ କହିଦେଲି -
ତୁମ ଛାତିତଳ ଦରଜା ଟିକିଏ ମୋ
ପାଇଁକି ଦେବ ମେଲି ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।