कवितेवरील प्रेम

तरूणाईच्या वळणावरती

मी वळून गेलो सहज

बघता - बघता कवी

मी बनून गेलो सहज ||१||

कविता मला भेटली

एका गंधाळल्या क्षणी

मी केले प्रेम कवितेवर

दिवस - रात्र, क्षणोक्षणी ||२||

चारोळी, हायकू, काव्यांजली

गझलेला तरूणाईत बहर

पंख फुटूनी उडालो आकाशी

काव्यरचनेला येई बहर ||३||

यौवनात नाही केली नशा

चढली धुंदी फक्त कवितेची

नाही केली तप - तपश्चर्या

केली पूजा फक्त कवितेची ||४||

वागलो ना बेफिकीर कधी

म्हातारपणी आठवे तरूणपण

गात्रे थकली, देह जराजर्जर

तरी मनाने आहे तरूणपण ||५||