विचार
विचार
कितीही म्हटलं मी
थांब जरा विचार
तरीही हा डोकावतोच
सारखा सारखा अंतरंगात
नको ते विचार तर
जास्तच थैमान घालतात
नको नको म्हणताना
परत परत घोळत असतात
मेंदूला समजावलं नको
नको करू नको ते विचार
तरीही पुन्हा पुन्हा येतातच
नकारात्मक विचारांचे विचार
बजावले होते मनाला
कर सकारात्मक विचार
तरी मध्ये मध्ये करतातच
दुःखी करणारे विचार
टोचत बोचत राहतात
तिथल्या तिथे हे विचार
अंतर्मन बाह्यमन द्वंद्व करतात
तरी निर्लज्जपणे येतातच विचार
हुसकावून लावले होते त्यांना
नाही करणार परत विचार
तरी थोड्या वेळाने येणारच विचार
मग म्हटलं ह्याचा समतोल राखेन
कुठे कोणता किती करावा विचार
आपल्याच नियंत्रणात कसा ठेवू विचार
ह्याच विचारांत करते विचार
पण करणार मी काय ?
परत हट्टीपणा करतातच विचार
मला हवे की नको न विचारताच
पुन्हा ठाण मांडून बसतात हे विचार