पुस्तक

विद्या,ज्ञानाचा सागर...

पुस्तकाचे हर पान ,

कथा,कविता संग्रह 

त्याची आगळीच शान !

वाचकांचा आत्मा जणू..

जिवलग लेखकांना , 

छापलेले,आधुनिक 

प्रिय वाटते सर्वांना !

न्यारी गोष्ट विषयांची...

पुस्तकाच्या आशयाची ,

रूपरेखा खास अशी

सर नसते पैशांची !

आवडते सान,थोरा...

गोष्ट राम,कृष्ण यांची ,

रावणाची भक्ती,शक्ती

सीतेतल्या पावित्र्याची !

जीवनात विद्यार्थ्यांच्या..

अभ्यासाचा भाग खास ,

शाळेतला परिपाठ 

गुण उत्तमची आस !

एक माणूस घडावा...

त्यात सामर्थ्य एवढे ,

शिकवण देई धडा

काम महान केवढे !

बुद्धिमत्ता ,कौशल्याने...

वाढे चातुर्य काळाने ,

जग परिचित होते 

आकलन सर्वार्थाने !

ख्याती विश्वभर अशी...

सर्व शिक्षित तयाने ,

ज्ञानामृत पाजवून 

जादू केली पुस्तकाने !