प्रवास
प्रवास
कठीण वाटा,अडचणी अमाप...
कधी.. कुठे चुकवणारा असतो खडतर मार्ग ,
खोल खड्डयात मध्येच ,अडकतो प्रवास
प्रत्येकाचा सुरू तरीही,अविरत जीवन प्रवास !
पोहचायचे असते सर्वांना...सागर तीरापार
खळाळत्या लाटांवर , लढवय्या होऊन स्वार,
मधेच गोत्यात येते, धैर्याचे जहाज
हार न मानता पोहावे लागते, जीव जपण्या फार !
कधी सामान्य माणसाचा, अध्यात्मिक प्रवास...
शिकवून जातं बरंच काही ,अनुभवाचं सार ,
जगण्याला समाधान अंतरा..अंतरावरची मज्जा
तर होते कधी पाऊलवाटेवरल्या काट्याकुट्यांची सजा !
इतरांचा राजमार्ग पाहून घ्यावा थोडा धडा ..
मार्गक्रमण, भ्रमणा..वाटाड्या पुन्हा वेगवेगळा
यात्री येवो,यात्री जावो स्तब्ध असतो रस्ता
प्रवास, प्रवासी राहतो बदलत
बदलत नसतात खस्ता !