Library
विद्येचा महासागर
विद्येचा महासागर
एकटेपणात कधी मित्र , कधी गुरु ....
तर कधी मार्गदर्शक असतं पुस्तक ,
योग्य माहितीचं दार
ज्ञानाचा स्त्रोत असतं पुस्तक !
विविध विषयांवरचा खजिना ....
अमर्याद शब्दांचा ग्रंथ असतो पुस्तक ,
सकारात्मक विचार करायला भाग पाडत
हरलेल्या माणसाचं धैर्य बनतं पुस्तक !
काय वाईट ? काय चांगलं ?
याची जाणीव करून देतं पुस्तक
सुचत नाही काही जेव्हा ,
दुबळ्याचा आधार होतं पुस्तक !
पानं..पानं जोडत जातं मनांना मने बांधून
जसं वाचनास तयार असतं
आपल्याच भावनांचं पुस्तक
चार ओळी त्यातल्या शिकवून जातात
कसं जगायचं असतं जीवन !
छोटं असो मोठं असो किंवा असो ई - पुस्तक
जो..जो नियमित वाचतो त्यास
लाभतं हो पुस्तक
आकर्षक मुखपृष्ठ ,प्रस्तावना मोहवणारी...
परिकथेतील पात्रांसारखं सुंदर असतं पुस्तक !
वाचकांना गोडी लावत ,
लेखकांना उद्युक्त करतं पुस्तक
अनंत मानसिक यातनांना दूर करत
विद्येचा महासागर ठरतं पुस्तक !
